Roedd y Ganolfan gynt yn neuadd blwyf eglwys y Santes Fair a Sant Nicolas. Fe'i hailadeiladwyd ac adnewyddu yn llwyr o dan drefniant prydlesu i gorff ymddiriedolwyr newydd, a ffurfiwyd yn 2003. Cafodd y ganolfan ei hailenw “Canolfan Iorweth Rowlands” ar ôl y diweddar Iorwerth Rowlands, Cynghorydd Sir a wnaeth neilltuo llawer o ymdrech i'r prosiect hwn. Mae'n elusen gofrestredig (Canolfan Ieuenctid a Chymuned Biwmares Reg. Charity No.1071952) yn gwasanaethu'r gymuned gyfan.

Ers y gwaith adnewyddu mae dau brosiect llwyddiannus iawn yn rhedeg yn y Ganolfan a ariennir gan y Loteri Fawr. Maent wedi bod o fudd mawr i'r gymuned. Sefydlodd y prosiect cyntaf y ganolfan yn gadarn yng nghalon y gymuned ac i fod yn sylfaen ar gyfer pobl di-waith i gael gafael ar raglenni gwaith a hyfforddiant.

Hefyd mae yn darparu cyrsiau ar gyfer pobl o bob oed er engraifft dosbarthiadau Technoleg Gwybodaeth o ddechreuwyr i lefel uwch, dosbarthiadau Hanes Lleol a dosbarthiadau Cymraeg. Roedd cymorth a gwybodaeth ar gael gan sefydliadau fel “Cyngor at Bopeth”, “Age Cymru” a “Gwasanaeth Cynnal Gofalwyr Gogledd Orllewin Cymru”. Dechreuwyd clybiau a gweithgareddau newydd ar gyfer pobl o bob oed, yn cynnwys Clwb Ieuenctid newydd, Clwb Rhieni a Phlant Bach a Chlwb 50au Biwmares .

Roedd gan yr ail brosiect, Prosiect Cymunedol Iorweth Rowlands dri llinyn. Roedd y rhain yn mynd a cyfleoedd chwaraeon i blant yn yr ysgolion cynradd, dechrau digwyddiadau gwybodaeth lleol ac arwyddbostio ar gyfer aelodau o'r gymuned, a gweithio ar y cyd â sefydliadau eraill i ddechrau mwy o gyfleoedd i wirfoddoli. Strategaeth ymadael y prosiect hwn oedd i'r Ganolfan gael ei rhedeg gan wirfoddolwyr ar ddiwedd y pedair blynedd